SWARE GLORIYE KREYOL

Vin lonji zòrèy pou kouté pou tann é tann pou konpwann détwa TIPAWÒL (Pwovèb) GWADLOUP

Pyébwa ki ho ka di i ka vwè lwen,maché, ou ké vwè pli lwen ki-y !

Krèy pédagojik a SPEG ka di-zòt vin "maché" èvè-y pou, ansanm-ansanm, nou sipé sa ian zantray a pèp Gwadloup parapòt a tipawòl yo ka mèt doubout !

7è pou 7è é dimi :

Lasosiyasyon "Lizin a kont" ké wouvè lawonn èvè kont é tipawòl bòkaz

7è é dimi pou 9 vè mwennka :

Sonia CATALAN (makè), Ary BROUSSILLON (sosyològ) é Guy GAPPU (mètlékòl) ké ban-nou grennsèl a yo asi tipawòl kréyòl an bannzil an nou, apré nou ké bokanté èvè yo é pozé-yo kèsyon

9 vè mwennka pou 9 vè 15 :

Lizin a kont ka woupwan lanmen

9 vè 15 pou 10 zè :

Raboutaj tipawòl (jé), nou k’ay miziré fòs an nou adan zafè a sé tipawòl-la é pwan zépon natirèl an nou !

10 zè :

On ti "dèkwa" natif-natal pou plen fal san néyé kyè ! Apwé sé ké lè pou mèt tout vyolon an sak !